1нче апрель күпләрнең хәтеренә көлке һәм шаяру көне булып кереп калса да, әлеге датада Халыкара кошлар көне дә билгеләп үтелә. Шул уңайдан Баландыш авылының «Кояшкай» балалар бакчасында, мәдәният хезмәткәрләре белән берлектә, «Кошлар – безнең канатлы дусларыбыз» дип исемләнгән экологик сәгать үткәрелде. Сабыйларга канатлы дусларыбыз турында бай мәгълүмат бирелде. Кошларның кешеләргә, тирә-якка, табигатькә китергән файдасы турында сөйләделәр.