28 март көнне Г.Тукай исемендәге Әтнә татар дәүләт драма театрында Шамил Закиров исемендәге “Идел-йорт” театр коллективлары фестиваль-бәйгесе һәм «Иделкәем&Кариев варислары» балалар-яшүсмерләр театр коллективларының төбәкара смотр-конкурсы кысаларында иҗади лаборатория узды. Программада Әлки, Кама Тамагы, Кайбыч, Апас, Арча, Балтач, Кукмара, Теләче районнарыннан һәвәскәр театр хезмәткәрләре катнашты. Районыбызның бер төркем мәдәният хезмәткәрләре әлеге чарада катнашып тәҗрибә уртаклашып кайттылар.